Gaglinas

Nossas gaglinas han igl entir di la pusseivladad dad ir ora el liber. Ellas san scavar entuorn, far bogn el sablun ni era piclar suenter viarms e glimaias. Lur ovs mettan ellas en ignivs specialmein construi per gaglinas. La notg sesan ellas a maschun. Ellas san beiber aua e magliar igl entir di sco quei ch’ellas vulan. Nus vein 100 gaglinas e 2 cots. La primavera vein nus savens ina ni l’autra gaglina che cua ora ovs aschia ch’ei dat adina puspei pluscheins.

Vus veis la pusseivladad da cumprar ovs frestgs a Pustget ni era en il Volg a Trun.

Engrondiu il gagliner

Sin il niev maschun dorman las gaglinas.
Il gagliner ei uss dubel aschi gronds.
Mintga di astgan las gaglinas ir el liber.

Pluscheins

La notg sin dumengia da Pastgas ein 5 pluscheins sluitai ord ils ovs.
Spert scappan ils pluscheins sut las plemas dalla clutscha.