lincs | contact  | |   | |  Deutsch

Salers

Origin

Igl origin dalla razza Salers ei aunc nunenconuschenta. Ei vegn speculau ch’ella seigi vegnida dalla Spagna en Frontscha e suenter vinavon en l’Engheltiara. Dapi miez dil 14avel tschentaner ei la razza enconuschenta en Frontscha. Leu eis ella ditg vegnida tenida sco vacca da mulscher e sco vacca che veva da gidar da trer il criec, il car, lenna ni auter pli. Tras la mecanisaziun ha la vacca piars sia funcziun sco animal da lavur. Ella ei vegnida tratga sco vacca da carn. 

En Frontscha vivan varga 200‘000 vaccas da Salers ed igl ei la quart gronda razza da vaccas mumma. Era en las tiaras vischinontas sco la Tiaratudestga, il Danemarc ed en l’Engheltiara ein las vaccas da Salers derasadas fermamein. 

En Svizra vivan varga 400 vaccas Salers, cunzun en la Svizra franzosa. Il diember crescha dad onn tier onn. En il cantun grischun ei quella razza aunc meins enconuschenta.

Tratgs caracteristics positivs dils Salers

  • caracter fetg ruasseivel 
  • maglia pastg, fein e silo, drova negin pavel concentrau (Kraftfutter)
  • mudest
  • dat bia latg, 5% dallas vaccas Salers en Frontscha vegnan tratgas sco vaccas da latg
  • fetg robust
  • resistent allas caliras e ferdaglias
  • drovan negin agid da parturir ils vadials
  • bien fundament
  • vegnan vegls

Il taur Beno

La muntanera crescha

Mintga meins nescha 1-2 vadials.

Geraldine cun siu vadi Gian.

Guder il sulegl

Gustav, il pli pign dalla muntanera.Guder ils paucs muments nua ch'il sulegl scaulda.
Ils vadials pigns schaian bugen ensemen.